某日班機唔滿,緊急出口成行都冇人坐,有位香港男士一閂門就嘭嘭聲自己轉左上去坐,;話說緊急出口座位乘客嘅行李一定要放上行李櫃,因為任何放喺地下嘅野都會形成阻礙,而喺做起飛檢查嘅時候,呢位男士就除左對鞋阻住度門
同事A「先生,唔好意思阻一阻你呀,因為緊急出口嘅緣故,所以你要著返對鞋呀」
男人「jip」 (繼續由得對鞋喺地下)
呀姐隔左陣行埋去「先生唔好意思呀,我地就起飛你要著返對鞋架啦,如果唔想著的話我比個袋你入起佢好唔好?」
男人「jip」(繼續由得對鞋喺地下)
到我地差唔多要坐低起飛嘅時候,豆腐同呢個坐對面嘅男人講
豆腐「先生,我地真係要起飛架啦,麻煩你...」
男人「得啦,我成日坐你地架」
豆腐「嗯,多謝先生你成日坐我地,不過你都要著返對鞋架啵」
男人「我知,起飛咪著囉」
豆腐「嗯,明白...不過先生你唔著返對鞋,姐係我地客艙未Ready起飛,如果你想睇完報紙先著的話,不如我通知機長hold住唔好起飛,等先生想著鞋我地先起飛,好唔好?」
男人「你洗唔洗玩咁大呀?」 (邊講邊著)
豆腐「多謝先生合作」
起飛之後老總揸住份野行落黎經濟艙
老總「先生唔好意思呀,想問返你原來座位喺邊道?」
男人「68A」
老總「嗯,先生唔好意思呀,因為呢行八個位地勤同事Block起左唔比人坐,如果你唔想坐返本來個位,你可以揀其他位坐」
男人「呢啲位咪又係一樣,唔通要額外比錢呀?我唔想轉啵」
老總「麻煩先生合作,不過如果先生下次想坐緊急出口座位訂飛嘅時候可以比130蚊美金,詳情可以上我地公司網站查詢」💸
呢個男人比老總秒殺完之後速逃,點解人地開到口叫你走,你都仲要賴死唔走,知唔知個「醜」字點寫?! 😒
***老總事後好奸咁笑,嗯,呢件事冇咁簡單 😈
Search